Ukara Ganep lan Ukara Ora Ganep ( Elip)

Ukara Ganep

Ukara ganep yaiku ukara kang saora-saorane duwe jejer lan wasesa.

Tuladha Ukara Ganep sing duwe Jejer lan wasesa:

1. Purwati dolanan
2. Safitri pasaran
3. Wahyuningsih ndedonga

Pangracuting ukara ganep :

Purwati dolanan

J         W

Safitri    pasaran

J            W

Wahyuningsih ndedonga

J                    W

Tuladha Ukara Ganep sing duwe Jejer wasesa Lesan :

1. Novi masak soto
2. Mila nggoreng sega
3. Rahmawati mangan sate

Pangracuting ukara ganep:

Novi masak soto

J      W       L

Mila  Nggoreng  sega

J          W          L

Rahmawati mangan sate

J            W      L

Tuladha Ukara Ganep sing duwe Jejer Wasesa Lesan Katrangan :

1. Simbah maos koran ing pendhapa
2. Pak Ustad maos Al Qur’an ing mushola
3. Qori maca Al Qur’an ing mesjid

Pangracuting ukara ganep

Simbah maos koran ing pendhapa

J         W      L           K

Pak Ustad maos Al Qur’an ing mushola

J               W           L                K

Qori maca Al Qur’an ing mesjid

J         W          L                K

UKARA ORA GANEP ( ELIP )

Ukara ora ganep (Elip) yaiku ukara kang mung duwe jejer bae, mung duwe wasesa bae, mung duwe lesan bae, utawa ora duwe telu-telune.

Tuladha:

1. Duwe jejer tanpa wasesa

Tuladha :

• Wong sing rambute dawa iku
• Wong sing awake lemu kuwi
• Bocah lanang sing seneng bal-balan iku.
• Bocah sing klambine abang

2. Duwe wasesa tanpa jejer

Tuladha :

• Nandur apa?
• Sarapana saiki!
• Mangkata saiki!
• Ngombe apa?

3. Duwe lesan tanpa jejer lan wasesa

Tuladha :

• Layang ulem
• Sega goreng
• Koran
• Klambi

4. Ora duwe jejer,wasesa,lesan ( namung duwe katrangan )

Tuladha :

• Ing pasar kunduran
• Ing lapangan
• Sepuluh
• Kala dinten senin kliwon