Ukara Tanduk lan Ukara Tanggap

Ukara tanduk yaiku ukara kang wasesane oleh ater-ater anuswara utawa kriya lingga.

 Dene tandha-tandhane :

1.    Jejere nindakake pegawean.
2.    Lesane dikenani pegawean.
3.    Wasesane oleh ater-ater anuswara  ( an, am, any, ang ) utawa kriya lingga .

 Tuladhane :

•    Bapak maos koran.
•    Ibu nyerat nawala.
•    Eyang Kakung ngunjuk Jampi
•    Mariyo nabrak kucing.
•    Pak Sutarman mirengaken pawartos bahasa Jawi.

Ukara tanggap yaiku ukara kang  wasesane oleh ater-ater tripurusa ( dak, kok, di )  utawa seselan  -in- .
  Dene tandha-tandhane yaiku :

1.    Jejere dikenani pegawean.
2.    Lesane nindakake pegawean.
3.    Wasesane oleh ater-ater dak, kok, di lan seselan  -in- utawa oleh ater-ater ka mligi kanggo          tanggap ka.

  Tuladhane :

•    Apa bukune wis diwaos bapak.
•    Bukuku dakgambari wayang.
•    Wulune wis kokbubuti ?
•    Bocah iku wis ora kena ginawe becik.
•    Kabeh wis katulis ing buku.
•    Pawarta iku digiyarake penyiar ing radio.