Rimbag Hagnya
Rimbag hagnya yaiku sakabehing tembung kang oleh panambang a, na, ana, utawa en kang duwe surasaprentah.
Tuladha :
- Gus, nganggoa jaket ben ora kadhemen!
- Susi, ibu tukokna amplop !
- Darti, bapak tulisna layang kanggo bakyumu!
- Yuyun, jogane saponana ben resik!
- Beti, buku ing dhuwur meja iku gawanen mrene.
Rimbag Sambawa
Rimbag sambawa yaiku sakabehing tembung lingga kang oleh panambang a, na utawa ana kang duwe surasa upama, sanadyan, pangarep-arep, muga-muga, utawa mokal.
Tuladha:
- Duwea dhuwit kowe dakjajakake
(umpama duwe)
- Dak tukokna jajan adhimu mesti seneng
(umpama dak tukokake)
- Ko pakanana akeh wong ora koombeni sapimu yaora lemu-lemu.
(sanadyan ko pakani)
- Mengko sore udana sing deres sawahku ben agung
(pangarep-arep supaya udan)
- Bapak rawuha, arep dak suwuni dhuwit
(muga-muga rawuh)
- Kowe maneh bisaa nggarap, Jaka bae sing pinter ora bisa.
(mokal yen bisa)